॥ श्री लक्ष्मी स्तोत्र / स्तोत्रम् ॥

The Shree Lakshmi Stotra is a sacred hymn that pays homage to Goddess Lakshmi, serving as a source of strength for individuals to uplift themselves during times of anxiety and sadness. By reciting this stotra, one can attract money, wealth, peace, and prosperity into their life.

सिंहासनगतः शक्रस्सम्प्राप्य त्रिदिवं पुनः । 
देवराज्ये स्थितो देवीं तुष्टावाब्जकरां ततः ॥1 ॥

[ इन्द्र उवाच ] 
नमस्ये सर्वलोकानां जननीमब्जसम्भवाम् । 
श्रियमुनिद्रपद्माक्षीं विष्णुवक्षःस्थलस्थिताम् ॥2॥

पद्मालयां पद्मकरां पद्मपत्रनिभेक्षणाम् । 
वन्दे पद्ममुखीं देवीं पद्मनाभप्रियामहम् ॥3॥

त्वं सिद्धिस्त्वं स्वधा स्वाहा सुधा त्वं लोकपावनी । 
सन्ध्या रात्रिः प्रभा भूतिर्मेधा श्रद्धा सरस्वती ॥4॥

यज्ञविद्या महाविद्या गुह्यविद्या च शोभने । 
आत्मविद्या च देवि त्वं विमुक्तिफलदायिनी ॥5॥

आन्वीक्षिकी त्रयी वार्ता दण्डनीतिस्त्वमेव च । 
सौम्यासौम्यैर्जगद्रूपैस्त्वयैत्तद्देवि पूरितम् ॥6॥

का त्वन्या त्वामृते देवि सर्वयज्ञमयं वपुः । 
अध्यास्ते देवदेवस्य योगिचिन्त्यं गदाभृतः ॥7॥

त्वया देवि परित्यक्तं सकलं भुवनत्रयम् ।
 विनष्टप्रायमभवत्त्वयेदानीं समेधितम् ॥8॥

दाराः पुत्रास्तथागारसुहृद्धान्यधनादिकम् ।
 भवत्येतन्महाभागे नित्यं त्वद्वीक्षणान्नृणाम् ॥9॥

शरीरारोग्यमैश्वर्यमरिपक्षक्षयः सुखम् । 
देवि त्वद् दृष्टिदृष्टानां पुरुषाणां न दुर्लभम् ॥10॥

त्वं माता सर्वलोकानां देवदेवो हरिः पिता । 
त्वयैतद्विष्णुना चाम्ब जगद्व्याप्तं चराचरम् ॥11॥

मा नः कोशं तथा गोष्ठं मा गृहं मा परिच्छदम् । 
मा शरीरं कलत्रं च त्यजेथाः सर्वपावनि ॥12॥

मापुत्रान्मा सुहृद्वर्ग मा पशून्मा विभूषणम् । 
त्यजेथा मम देवस्य विष्णोर्वक्षःस्थलालये ॥13॥

 सत्त्वेन सत्यशौचाभ्यां तथा शीलादिभिर्गुणैः ।
त्यज्यन्ते ते नराः सद्यः सन्त्यक्ता ये त्वयामले ॥14॥ 

त्वया विलोकिताः सद्यः शीलाद्यैरखिलैर्गुणैः ।
 कुलैश्वर्यैश्च युज्यन्ते पुरुषा निर्गुणा अपि ॥15॥ 

स श्लाघ्यः स गुणी धन्यः स कुलीनः स बुद्धिमान् । 
स शूरः स च विक्रान्तो यस्त्वया देवि वीक्षितः ॥16॥ 

सद्यो वैगुण्यमायान्ति शीलाद्याः सकला गुणाः । 
परामुखी जगद्धात्री यस्य त्वं विष्णुवल्लभे ॥17॥ 

न ते वर्णयितुं शक्ता गुणाज्जिद्वापि वेधसः ।
 प्रसीद देवि पद्माक्षि मास्मांस्त्याक्षीः कदाचन ॥18॥

[श्रीपराशर उवाच]
 एवं श्रीः संस्तुता सम्यक् प्राह देवी शतक्रतुम् । 
शृण्वतां सर्वदेवानां सर्वभूतस्थिता द्विज ॥19॥

[ श्रीरुवाच ] 
परितुष्टास्मि देवेश स्तोत्रेणानेन ते हरे ।।
वरं वृणीष्व यस्त्विष्टो वरदाहं तवागता ॥20॥

[ इन्द्र उवाच ]
वरदा यदि मे देवि वराह यदि वाप्यहम् ।
त्रैलोक्यं न त्वया त्याज्यमेष मेऽस्तु वरः परः ॥21॥ 

स्तोत्रेण यस्तथैतेन त्वां स्तोष्यत्यब्धिसम्भवे ।
 स त्वया न परित्याज्यो द्वितीयोऽस्तु वरो मम ॥ 22 ॥

[ श्रीरुवाच ]
त्रैलोक्यं त्रिदशश्रेष्ठ न सन्त्यक्ष्यामि वासव । 
दत्तो वरो मया यस्ते स्तोत्राराधनतुष्टया ॥23॥ 

यश्च सायं तथा प्रातः स्तोत्रेणानेन मानवः । 
मां स्तोष्यति न तस्याहं भविष्यामि परामुखी ॥24॥

॥ इस प्रकार श्री विष्णु महापुराण में श्री लक्ष्मी स्तोत्र सम्पूर्ण हुआ ॥

In conclusion, the Shree Lakshmi Stotra is a profound spiritual tool that not only connects us with the divine blessings of Goddess Lakshmi but also empowers us to overcome challenges and cultivate a life filled with abundance and tranquility.

श्री लक्ष्मी स्तोत्र का पाठ करने से पूर्व श्री कनकधारा स्तोत्र का पाठ करना और श्री लक्ष्मी स्तोत्र के बाद श्री महालक्ष्मी अष्टकम का पाठ करना माता लक्ष्मी को विशेष रूप से प्रसन्न करता है।